Rundunar ‘yan sandan jihar Katsina ta kama wani mutumi dan shekara 40 mai suna Abdulrahman Abdulkarim, da laifin kashe matarsa mai shekaru 19 mai suna Wasila Sada, sannan ya jefa gawarta cikin rijiya.

Mutumin wanda yayi magana da manema labarai a jiya Alhamis 25 ga watan Yuni, an ruwaito cewa ya aikata laifin a kauyen Madabu-Dabawa dake karamar hukumar Dutsinma cikin jihar Katsina.

Kakakin rundunar ‘yan sandan jihar, Gambo Isa ya ce:

“A ranar 14 ga watan Yuni, 2020, da misalin karfe biyu, mun samu kiran waya cewa wani mai suna Abdulrahman Abdulkarim mai shekaru 40 daga kauyen Madabu-Dabawa, cikin karamar hukumar Dutsinma dake jihar Katsina, ya kashe matarsa mai suna Wasila Sada, mai shekaru 19 a duniya, sannan ya jefa gawarta cikin rijiya.

“DPO na Dutsinma ya jagoranci jami’an ‘yan sanda zuwa inda lamarin ya faru, sun fito da gawar inda suka kai ta asibiti, inda aka tabbatar da cewa ta mutu bayan gabatar da gwaje-gwaje.

‘Yanzu haka dai an kama mai laifin, kuma yana taimakawa ‘yan sanda wajen binciken da suke yi a yanzu.

Domin cigaba da samun labaran mu kai tsaye a wayoyinku, zaku iya biyo jaridar Press Lives a shafukan sadarwa kamar haka: 

Facebook: https://www.facebook.com/pressliveshausa

Twitter: https://www.twitter.com/pressliveshausa

YouTube: https://www.youtube.com/channel/UCIHoX2u7YsETQz4_SM4RuEA

Ko kuma ku aiko mana da sako ko sharhi ta adireshin mu na Email kai tsaye info@presslives.com

LEAVE A REPLY

Please enter your comment!
Please enter your name here