An kama wata budurwa ‘yar shekara 18 a duniya da laifin kashe mijinta da yaje zai kwanta da ita a jihar Bauchi, inda tace bata san cewa jima’i wajibi bane idan anyi aure, shi yasa ta kashe shi, domin tayi tunanin fyade zai yi mata.

Yarinyar mai suna Salma Hassan, wacce ke zaune a Itas-Gadau, an kai ta ofishin ‘yan sanda na Bauchi a ranar Talata 19 ga watan Mayu, da laifin kashe mijinta da wuka kwanaki 11 kacal bayan aure.

Ta bayyanawa manema labarai cewa lokacin da mijinta ya tinkare ta da niyyar zai kwanta da ita, tayi tunanin cewa abinda yake yi ba daidai bane, sai taki amincewa. Sai mijin nata ya fara dukanta ya daureta inda ya kwanta da ita ta karfin tsiya. Ta ce sai ta dauki wuka da niyyar ta tsorata shi tsautsayi yasa ta caka mishi.

Ta ce: “Mun yi aure, muna son junan mu.

“Ban taba sanin cewa jima’i wajibi bane idan anyi aure. To a cikin wannan daren ya tinkaro ni da niyyar zai kwanta dani, sai naki amincewa saboda ban taba sanin wani abu jima’i ba. Nayi tunanin. zai yi mini fyade ne.

“Sai yayi fushi, ya dinga marina da duka, yana kokarin kwanciya dani ta karfin tsiya, sai na dauki wuka domin na tsorata shi, amma sai ya cigaba da zuwa inda nake. Ban san lokacin dana caka masa wukar a kirji ba.

“Na riga na bayar da rahoton yadda lamarin ya faru, ina cikin damuwa sosai saboda ban san mai zai faru dani ba. Amma inda na san hakane da banyi abinda nayi ba.”

A cewar ‘yan sanda sun samu wuka a lokacin da suka kama Salma da laifin kisan kan.

4 COMMENTS

  1. Allah ya jiqan shi ya kamata ariqa wayar ma da mutane da Kai alokacin aure saboda gaskiya wasu ko manya indai sun samu kulawa ta qwarai zeyi wuya su gane Idan ma sun gane da nauhi so yanada kyau ariqa zuwa islamiyya Dan Allah Allah ya mana qarshe me kyau Amin

LEAVE A REPLY

Please enter your comment!
Please enter your name here