Jim kadan bayan kammala murnar ranar Uba ta duniya, wanda aka nuno maza da mata suna nuna soyayya da jinjina ga iyayensu, wani bidiyo marar dadin ya yadu a shafukan sadarwa, inda ya nuna wani mutumi cikin fushi yana dukan wata mata da ake da tabbacin cewa matarsa ce da dutsin guga.

A farkon bidiyon dai an nuno mutumin yana umartar matar akan tayi wani abu, inda bai ma jira ta gama sauraron umarnin da yake bata ba ya bita da duka da dutsin gugar, inda ya dinga buga mata a kai, hakan yayi sanadiyyar faduwarta a kasa.

Matar ta fadi cikin abin tausayi, inda ‘ya’yanta suka fara kuka, ita kuwa an jiyo ta ne tana ihun neman taimako.

Wani mai suna @Davidnart, wanda ya wallafa bidiyon a shafinsa na Twitter, ya ce: “Wannan rashin imani na mutumin nan da yawa yake. Ina fatan za a rufe shi har karshen rayuwarshi.”

Bidiyon da yana ta yawo, inda mutane da dama suka dinga tofa albarkacin bakinsu a kai.

Saboda rashin kyawun bidiyon ya sanya fitaccen mawaki dan kasar Ghana mai suna Rockstone ya roki mutumin da ya sanya ya taimaka ya goge bidiyon, duk kuwa da cewa ya sanya bidiyon ne da niyyar ya nemawa matar ‘yanci. Ga dai bidiyon a kasa:

Domin cigaba da samun labaran mu kai tsaye a wayoyinku, zaku iya biyo jaridar Press Lives a shafukan sadarwa kamar haka: 

Facebook: https://www.facebook.com/pressliveshausa

Twitter: https://www.twitter.com/pressliveshausa

YouTube: https://www.youtube.com/channel/UCIHoX2u7YsETQz4_SM4RuEA

Ko kuma ku aiko mana da sako ko sharhi ta adireshin mu na Email kai tsaye info@presslives.com

LEAVE A REPLY

Please enter your comment!
Please enter your name here